जय जोहार…. भारत म कोरोना वायरस के मामले ह सरलघा बाढ़त हे। 14 दिन के भीतर मरीज मन के संख्या ह दोगुने ले जियादा हो गे हे। देश म मामला ह बाढ़ के 1.50 लाख ले अधिक हो चुके हे। 24 घंटा म कोरोना के 6367 नवा मामले आय हे। जबकि 170 लोगन मन के मौत हो गे हे। ऊहचे 64 हजार ले जियादा लोगन मन ह स्वस्थ हो चुके हे। गौरतलब हे कि 13 मई के देश म कुल कोरोना संक्रमित मरीज मन के संख्या ह 74281 रहिस, जेन ह अब बाढ़ के डेढ़ लाख ले जियादा हो गे हे।
13 मई तक 2415 लोगन मन के मौत होय रहिस, जेन अब बाढ़ के 4337 हो गे हे। पिछले 20 मई ले देश म कोरोना के हर रोज पांच हजार ले जियादा मामले ह आवत हे। 20 मई के 5611, 21 मई के 5609, 22 मई के 6088, 23 मई के 6654, 24 मई के 6767, 25 मई के 6977, 26 मई के 6535 अऊ 27 मई के 6387 नवा मामले ह सामने आय हे।
पिछले एक सप्ताह ले कोरोना ले मरइया के संख्या ह औसतन 150 हे। 20 मई के 140 लोगन मन के मौत होय रहिस। 21 मई के 132, 22 मई के 148, 23 मई के 147, 24 मई के 147, 25 मई के 154, 26 मई के 146 अऊ 27 मई के 170 लोगन मन ह कोरोना ले जंग हार गे हे।
