corona : देस म पिछले 24 घंटा म सामने आय हे कोरोना के 1 लाख 79 हजार ले जादा नवा केस, 146 मरीज मन के होगे मउत

जय जोहार…. देस म कोरोना के नवा मामला सरलग बाढ़त जात है। देस म पिछले 24 घंटा म कोरोना (corona ) के 1 लाख 79 हजार ले ऊपर नवा मरीज सामने आय हे। जबकि उपचार के दउरान 146 मरीज के मउत हो गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 1 लाख 79 हजार 723 नवा केस मिले हे। एला मिलाके देस म कोरोना मरीज मन के संख्या ह 3 करोड़ 57 लाख 07 हजार 727 हो गेहे। जेमा ले 7 लाख 84 हजार 580 एक्टिव मामला हे।

उहें 3 करोड़ 44 लाख ले जादा मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 83 हजार 936 मरीज के मउत हो गेहे।