corona : देस म सरलग बाढ़त हे कोरोना के मरीज , बीते 24 घंटा म मिले हे 1 लाख 59 हजार ले जादा नवा मामला, पढ़व

जय जोहार…. देस म कोरोना (corona) के नवा मामला सरलग बाढ़त जात है। देस म पिछले 24 घंटा म कोरोना के 1 लाख 59 हजार 424 नवा मरीज के पहचान होय हे। जबकि उपचार के दउरान 327 मरीज के जान चले गेहे। जबकि 40 हजार ले जादा मरीज मन ह कोरोना ल मात दे देहे, जेखर बाद ओमन ल अस्पताल ले छुट्टी दे दे गेहे।

(corona) ए दउरान महाराष्ट्र म सबले जादा 41,434 अउ बंगाल म 18,802 नवा केस सामने आय हे। टॉप 10 राज्य में ही 1.26 लाख ले जादा मनखे मन ह संक्रमण के चपेट मआय हैं। एखर पहले देस म शुक्रवार के 1 लाख 41 हजार 986 अउ गुरुवार के 1 लाख 17 हजार 94 नवा मामला मिले रिहीस।

बता देन कि देस म कोरोना संक्रमित मरीज मन के संख्या ह 3.55 करोड़ हो गेहे। (corona) जेमा ले 5 लाख 84 हजार 580 एक्टिव मामला हे। उहें 3.44 करोड़ मरीज मन ल बने होय के बाद अस्पताल ले डिस्चार्ज के दे गेहे।