Corona: देश म बीते 24 घंटा म बाढ़ गे कोरोना के 1 लाख ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 1 लाख ले जादा नवा मामला के पहचान होय हे। उहचे इलाज के दौरान 478 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 1 लाख 03 हजार 558 नवा मरीज मिले हे। एला मिला के कोरोना संक्रमित मन के संख्या ह 1 करोड़ 25 लाख 89 हजार 067 हो गे हे। जेमा ले 7 लाख 41 हजार 830 एक्टिव मामला हे।

उहचे 1 करोड़ 16 लाख 82 हजार 136 मरीज मन ह कोरोना (Corona) ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 65 हजार 101 मरीज मन के मौत हो गे हे।