Corona: देश म बीते 24 घंटा म मिले हे 12 हजार ले जादा नवा मरीज, पढो पूरा खबर

जय जोहार…. देश म बीते 24 घंटा म कोरोना (Corona) के 12 हजार ले जादा नवा मामला के पहचान होय हे। उहचे 18385 लोगन मन ह बने होय के बाद अस्पताल ले अपन घर लहुट चुके हे। जबकि इलाज के दौरान 167 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 12584 नवा मरीज मिले हे, एला मिला के कोरोना संक्रमण के मामला हे बाढ़ के 1 करोड़ 4 लाख 79 हजार 179 हो गे हे।

जेमा ले 2 लाख 16 हजार 558 एक्टिव मामला हे। उहचे 1 करोड़ 1 लाख 11 हजार 294 संक्रमित मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 51 हजार 327 लोगन मन के मौत हो गे हे।