Corona: देश म पिछिले 24 घंटा म बाढ़ गे 12 हजार ले जादा नवा मरीज, पढ़व पूरा खबर

जय जोहार…. देश म पिछिले 24 घंटा म कोरोना (Corona) के 12 हजार ले जादा नवा मामला दर्ज करे गे हे। उहचे 15853 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 120 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 12408 नवा मरीज मिले हे। एला मिला के देश म कोरोना संक्रमण के मामला ह 1 करोड़ 08 लाख 02 हजार 591 पहुंच गे हे। जेमा ले 1 लाख 51 हजार 460 एक्टिव मामला हे।

उहचे 1 करोड़ 04 लाख 96 हजार 308 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 54 हजार 853 लोगन मन के मौत हो गे हे।