Corona: देश म बीते 24 घंटा म सामने आय हे 12 हजार ले जादा नवा मामला, पढ़व

जय जोहार…. (Corona) देश म पिछिले 24 घंटा म कोरोना के 12 हजार ले जादा नवा मामला के पहचान होय हे। उहचे 11395 मरीज मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 103 संक्रमित के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 12143 नवा मरीज मिले हे। एला मिला के कोरोना संक्रमित मन के संख्या ह 1 करोड़ 08 लाख 92 हजार 746 हो गे हे।

जेमा ले 1 लाख 36 हजार 571 एक्टिव मामला हे। (corona) उहचे 1,06,00,625 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले देश म अब तक 1 लाख 55 हजार 550 संक्रमित के मौत हो गे हे।