Corona: देश म बीते 24 घंटा म बाढ़ गे 12 हजार ले जादा नवा मरीज, पढ़व

जय जोहार…. (corona) देश म बीते 24 घंटा म कोरोना के 12 हजार ले जादा नवा मरीज सामने आय हे। उहचे 11987 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 101 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 12881 नवा मरीज के पहचान होय हे। एला मिला के देश म कोरोना संक्रमण के मामला ह 1 करोड़ 09 लाख 50 हजार 201 हो गे हे। जेमा ले 1 लाख 37 हजार 342 एक्टिव मामला हे।

उहचे 1 करोड़ 06 लाख 56 हजार 845 लोगन मन ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म 1 लाख 56 हजार 014 संक्रमित के मौत हो गे हे।