corona : देस म पिछले 24 घंटा म सामने आय हे कोरोना के 12800 ले जादा नवा मामला, 19 संक्रमित के होगे मउत
जय जोहार। (corona ) देस म बीते 24 घंटा म कोरोना के 12800 ले जादा नवा मरीज सामने आय हे। उहें 12406 मरीज ल बने होय के बाद अस्पताल ले डिस्चार्ज कर दे गेहे। जबकि इलाज के दउरान 19 मरीज के मउत हो गेहे।
केंद्रीय स्वास्थ्य मंत्रालय ले जारी आकड़ा के मुताबिक देस म 24 घंटा म कोरोना (corona ) के 12807 नवा मरीज मिले हे। एला मिलाके देस म कोरोना संक्रमित मन के संख्या 4 करोड़ 35 लाख ले जादा हो गेहे। जेमा ले 1 लाख 12 हजार 761 एक्टिव मामला हे।
उहें (corona ) 4 करोड़ 28 लाख ले जादा मरीज ह कोरोना ल मात दे देहे, जेखर बाद ओमन ल अस्पताल ले छुट्टी दे दे गेहे। ए वायरस ले देस म अब तक 5 लाख 25 हजार 242 मनखे मन के मउत हो गेहे ।
