corona: देश म पिछिले 24 घंटा म बाढ़ गे 13 हजार ले जादा नवा मरीज, पढ़व

जय जोहार…. देश म पिछिले 24 घंटा म कोरोना (corona) के 13 हजार ले जादा नवा मामला के पहचान होय हे। उहचे इलाज के दौरान 101 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 13993 नवा मामला सामने आय हे। एला मिला के कोरोना संक्रमण के मामला ह 1 करोड़ 09 लाख 77 हजार 387 हो गे हे। जेमा ले 1 लाख 43 हजार 127 एक्टिव मामला हे।

उहचे 1 करोड़ 06 लाख 78 हजार 048 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 56 हजार 212 लोगन मन के मौत हो गे हे।