corona : देश म पिछले 24 घंटा म बाढ़ीस कोरोना के 14 हजार ले जियादा नवा मामले

जय जोहार…. भारत म कोरोना (corona) संक्रमित मन के संख्या ह सरलघा बाढ़त जावत हे। देश म कोरोना के कुल संक्रमित मरीज मन के संख्या ह 3 लाख 95 हजार ले जियादा हो गे हे। पिछले 24 घंटा म देश म कोरोना (corona) संक्रमण के 14514 नवा मामले के पहचान होय हे। जबकि 375 लोगन मन के मौत हो गे हे।
स्वास्थ्य विभाग ले जारी आंकड़ा के मुताबिक देश म अब तक तीन लाख 95 हजार 48 लोगन मन ह कोरोना (corona) ले संक्रमित हो चुके हे। जेमा 12948 लोगन मन के जान चले गे हे। देश म अभी एक लाख 68 हजार 269 सक्रिय मरीज हे, जेखर अस्पताल म इलाज जारी हे।

ऊहचे 2 लाख 13 हजार 831 लोगन मन ह कोरोना ल मात दे दे हे अऊ अपन घर लहुट चुके हे। ऊहचे पहले के तुलना म कोरोना के जांच म घलो तेजी लाय गे हे. पिछले 24 घंटा म 189869 लोगन मन के कोरोना के जांच करे गे हे। एखर एक दिन पहले 176959 लोगन मन के जांच करे गे रहिस।