Corona: देश म बीते 24 घंटा म मिले हे 14 हजार ले जादा नवा मामला, पढो पूरा खबर

जय जोहार…. (Corona) देश म पिछले 24 घंटा म कोरोना के 14 हजार ले जादा नवा मरीज पाय गे हे। उहचे 18002 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 163 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 14545 नवा मामला मिले हे। एला मिला के कोरोना संक्रमण के मामला ह बाढ़ के 1 करोड़ 06 लाख 25 हजार 428 हो गे हे।

उहचे 1 करोड़ 02 लाख 83 हजार 708 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 53 हजार 032 लोगन मन के मौत हो गे हे।