Corona: देश म बीते 24 घंटा म सामने आय हे 15 हजार ले जादा नवा मामला, पढो पूरा खबर

जय जोहार…. देश म पिछिले 24 घंटा म कोरोना (corona) के 15 हजार ले जादा नवा मामला सामने आय हे। उहचे इलाज के दौरान 175 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म (corona) कोरोना के 15158 नवा मरीज मिले हे। एला मिला के कोरोना संक्रमित मरीज मन के संख्या ह 1 करोड़ 05 लाख 42 हजार 841 हो गे हे। जेमा ले 2 लाख 11 हजार 033 एक्टिव मामला हे।

उहचे 1 करोड़ 1 लाख 79 हजार 715 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 52 हजार 093 लोगन मन के मौत हो गे हे।