corona: देश म पिछिले 24 घंटा म होय हे 15223 नवा मामला के पहचान, पढो पूरा खबर

जय जोहार…. (corona) देश म बीते 24 घंटा म कोरोना के 15 हजार ले जादा नवा मामला सामने आय हे। उहचे 19665 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 151 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आकड़ा के मुताबिक देश म पिछिले 24 घंटा म कोरोना (corona) के 15223 नवा मरीज मिले हे। एला मिला के कोरोना संक्रमण के मामला ह बाढ़ के 1 करोड़ 06 लाख 10 हजार 883 हो गे हे। जेमा ले 1 लाख 92 हजार 308 एक्टिव मामला हे।

उहचे 1 करोड़ 02 लाख 65 हजार 706 लोगन मन ह कोरोना ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 52 हजार 869 लोगन मन के जान चले गे हे।