corona : देस म 24 घंटा म सामने आय हे कोरोना के 15 हजार ले जादा नवा मामला, 226 मरीज के होगे मउत

जय जोहार…. (corona) देस म पिछले 24 घंटा म कोरोना के 15 हजार ले जादा नवा मरीज के पहिचान होय हे । उहें 22844 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे। जबकि इलाज के दउरान 226 मरीज के जान चले गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के15 हजार 823 नवा मरीज मिले है। एला मिलाके देस म कोरोना मरीज मन के संख्या ह 3 करोड़ 40 लाख 1 हजार 743 होंगे हे। जेमा ले दो लाख 07 हजार 653 एक्टिव मामला हे।

उहें तीन करोड़ 33 लाख 42 हजार 901 मरीज ल बने होय के बाद अस्पताल ले डिस्चार्ज कर दे गेहे। ए वायरस ले देस म अब तक 4 लाख 51 हजार 189 मरीज के मउत हो गेहे।