corona: देश म बीते 24 घंटा म बाढ़ गे कोरोना के 18 हजार ले जादा नवा मरीज, पढ़व

जय जोहार…. देश म बीते 24 घंटा म कोरोना (corona) के 18 हजार ले जादा नवा मामला के पहचान होय हे। उहचे 14392 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 100 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) 18711 नवा मरीज मिले हे। एला मिला के कोरोना  संक्रमण के मामला ह बाढ़ के 1 करोड़ 12 लाख 10 हजार 799 हो गे हे। जेमा ले 1 लाख 84 हजार 523 एक्टिव मामला हे।

उहचे 1 करोड़ 08 लाख 68 हजार 520 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे।  ए वायरस ले देश में अब तक 1 लाख 57 हजार 756 लोगन मन के जान चले गे हे।