corona: देश म पिछिले 24 घंटा म बाढ़ गे 18 हजार ले जादा नवा मरीज, पढो पूरा खबर

जय जोहार…. (corona) देश म पिछिले 24 घंटा म कोरोना के 18 हजार ले ज्यादा नवा मामला मिले हे। उहचे 21430 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 279 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 18732 नवा मरीज मिले हे, एला मिला के देश म कोरोना संक्रमण के मामला ह 1 करोड़ 1 लाख 87 हजार 850 हो गे हे। जेमा ले 2 लाख 78 हजार 690 एक्टिव मामला हे।

उहचे (corona) 97 लाख 61 हजार 538 लोगन मन ल बने होय के बाद अस्पताल ले डिस्चार्ज कर दे गे हे। ए वायरस ले देश म अब तक 1 लाख 47 हजार 622 लोगन मन के मौत हो गे हे।