Corona: देश म बीते 24 घंटा म होय हे 18 हजार ले जादा नवा मामला के पहचान, पढो पूरा खबर

जय जोहार…. देश म पिछिले 24 घंटा म कोरोना (corona) के 18 हजार ले जादा नवा मामला ह सामने आय हे। उहचे इलाज के दौरान 217 मरीज मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 18177 नवा मरीज मिले हे। एला मिला के संक्रमण के मामला ह बाढ़ के 1 करोड़ 03 लाख 23 हजार 965 हो गे हे।

जेमा ले 2 लाख 47 हजार 220 एक्टिव मामला हे। उहचे 99 लाख 27 हजार 310 लोगन मन ल स्वस्थ होय के बाद अस्पताल ले डिस्चार्ज कर दे गे हे। ए वायरस ले देश म अब तक 1 लाख 49 हजार 435 लोगन मन के मौत हो गे हे।