Corona: देश म बीते 24 घंटा म बाढ़ गे 18 हजार ले जादा नवा मामला, पढ़व पूरा खबर

जय जोहार…. (Corona) देश म बीते 24 घंटा म कोरोना के 18 हजार ले जादा नवा मामला के पहचान होय हे। उहचे 20746 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 163 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 18855 नवा मरीज मिले हे। एला मिला के कोरोना संक्रमण के मामला हे बाढ़ के 1 करोड़ 07 लाख 20 हजार 048 हो गे हे। जेमा ले 1 लाख 71 हजार 686 एक्टिव मामला हे।

उहचे 1 करोड़ 03 लाख 94 हजार 352 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 54 हजार 010 संक्रमित मन के मौत हो गे हे।