corona : देस म 24 घंटा म होय हे कोरोना के 18 हजार ले जादा नवा मरीज के पहिचान

जय जोहार…. (corona) देस म पिछले 24 घंटा म कोरोना के 18 हजार ले जादा नवा मरीज के पहिचान होय हे । उहें 21563 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के18 हजार 132 नवा मरीज मिले है। देस म अब एक्टिव मामला दो लाख 27 हजार 347 हे।

ये पिछले 209 दिन यानी 7 महीना म सबले कमती संख्या हे। (corona) अब तक मिले कोरोना के कुल केस के मुकाबला एक्टिव मामला 0.67 फीसद रह गेहे ।