Corona : देश म 24 घंटा म सामने आय हे कोरोना के 2.40 लाख ले जादा नवा मरीज, पढ़व पूरा खबर

जय जोहार…. देश म बीते 24 घंटा म कोरोना (Corona) के 2.40 लाख ले जादा नवा मरीज सामने आय हे। उहचे 3 लाख 55 हजार 102 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 3741 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 2 लाख 40 हजार 842 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 65 लाख 30 हजार 132 हो गे हे। जेमा ले 28 लाख 05 हजार 399 एक्टिव मामला हे।

उहचे 2 करोड़ 34 लाख 25 हजार 467 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 99 हजार 266 संक्रमित के जान चले गे हे।