Corona : देश म 24 घंटा म मिले हे कोरोना के 2.57 लाख ले जादा नवा मामला, पढ़व पूरा खबर

जय जोहार…. देश म बीते 24 घंटा म कोरोना (Corona) के 2.57 लाख ले जादा नवा मरीज के पहचान होय हे। उहचे 3 लाख 57 हजार 630 मरीज ल बने होय के बाद अस्पताल ले छुट्टी दे दे गे हे। जबकि उपचार के दौरान 4194 मरीज के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 2 लाख 57 हजार 299 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 62 लाख 89 हजार 290 हो गे हे। जेमा ले 29 लाख 23 हजार 400 एक्टिव मामला हे।

उहचे 2 करोड़ 30 लाख 70 हजार 365 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 95 हजार 525 संक्रमित के जान चले गे हे।