Corona: देश म बीते 24 घंटा म मिले हे 2.61 लाख ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 2.61 लाख ले जादा नवा मरीज सामने आय हे। उहचे 1 लाख 38 हजार 423 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 1501 संक्रमित के मौत हो गे हे।

केंद्रीय स्वास्थ्य मंत्रालय से जारी आंकड़ा के मुताबिक देश म बीते 24 घंटा म कोरोना (Corona) 2 लाख 61 हजार 500 नवा मरीज मिले हे। एला मिला के कोरोना संक्रमित मन के संख्या ह 1 करोड़ 47 लाख 88 हजार 109 हो गे हे। जेमा ले 18 लाख 01 हजार 316 एक्टिव मामला हे।

उहचे 1 करोड़ 28 लाख 09 हजार 643 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 77 हजार 150 मरीज के मौत हो गे हे।