Corona: देश म बीते 24 घंटा म बाढ़ गे 2.73 लाख ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 2.73 लाख ले जादा नवा मरीज सामने आय हे। उहचे 1 लाख 44 हजार 178 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 1619 संक्रमित के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 2 लाख 73 हजार 910 नवा मामला मिले हे। एला मिला के देश म कोरोना संक्रमित मन के संख्या ह 1 करोड़ 50 लाख 61 हजार 919 हो गे हे। जेमा ले 19 लाख 29 हजार 329 सक्रिय मामला हे।

उहचे 1 करोड़ 29 लाख 53 हजार 821 संक्रमित मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 78 हजार 769 मरीज के मौत हो गे हे।