Corona: देश म 24 घंटा म सामने आय हे कोरोना के 2 लाख ले जादा नवा मामला, पढ़व

जय जोहार…. (Corona) देश म कोरोना संक्रमण के मामला ह सरलघा बाढत जावत हे। देश म बीते 24 घंटा म कोरोना के 2 लाख ले जादा नवा मरीज सामने आय हे। उहचे 93528 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 1038 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 200739 नवा मामला मिले हे। एला मिला के कोराना संक्रमण के मामला ह 1 करोड़ 40 लाख 74 हजार 564 हो गे हे। जेमा ले 14 लाख 71 हजार 877 एक्टिव मामला हे।

उहचे 1 करोड़ 24 लाख 29 हजार 564 संक्रमित मन ह कोरोना (Corona) ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 73 हजार 123 मरीज के मौत हो गे हे।