corona : देस म बीते 24 घंटा म मिले हे कोरोना के 21 हजार ले जादा नवा मामला, 279 मरीज के होगे मउत

जय जोहार…. (corona) देस म पिछले 24 घंटा म कोरोना के 21 हजार ले जादा नवा मरीज के पहिचान होय हे । उहें 24395 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे। जबकि उपचार के दउरान 279 मरीज के जान चले गेहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 21 हजार 257 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 38 लाख ले जादा हो गे हे। जेमा ले दो लाख 40 हजार 221 एक्टिव मामला हे।

उहें (corona ) तीन करोड़ 30 लाख 94 हजार ले जादा मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक 4 लाख 49 हजार ले जादा मरीज के मउत हो गेहे।