Corona: देश म एक दिन म बाढ़ गे कोरोना के 22752 नवा मरीज, 482 लोगन मन के होइस मौत

जय जोहार…. देश म कोरोना (corona) संक्रमित मरीज मन के संख्या ह थमे के नाम नई लेवत हे। देश म कोरोना मरीज मन के कुल संख्या ह 7.42 लाख ले जियादा पहुंच गे हे।

देश म पिछले 24 घंटा म कोरोना (corona) के 22752 नवा मरीज ह बाढ़ गे हे। ए दौरान 482 लाेगन मन के जान चले गे हे।
केन्द्रीय स्वास्थ्य मंत्रालय ले जारी आंकड़ा के मुताबिक देश म कोरोना (corona) संक्रमण के कुल मामले ह 7 लाख 42 हजार 417 हो गे हे। जबकि सक्रिय मामले ह 2 लाख 64 हजार 944 पहुंच गे हे।

ऊहचे चार लाख 46 हजार 831 लोगन मन ह कोरोना ल मात दे के अपन घर लहुट चुके हे। ए वायरस ले अब तक 20642 लोगन मन के मौत हो गे हे।