Corona: देश म पिछिले 24 घंटा म होय हे कोरोना के 24 हजार ले जादा नवा मरीज के पहचान, पढो पूरा खबर

जय जोहार…. (Corona) देश म बीते 24 घंटा म कोरोना के 24 हजार ले जादा नवा मामला के पहचान होय हे। उहचे इलाज के दौरान 312 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 24712 नवा मरीज मिले हे। एला मिला के कोरोना संक्रमण के मामला ह बाढ़ के 1 करोड़ 1 लाख 23 हजार 778 पहुंच गे हे।

जेमा ले 2 लाख 83 हजार 849 एक्टिव मामला हे। उहचे 96 लाख 93 हजार 173 लोगन मन ह कोरोना (Corona) ले जंग जीत ले हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 46 हजार 756 लोगन मन के मौत हो गे हे।