corona: देश म बीते 24 घंटा म सामने आय हे 24 हजार ले जादा नवा मरीज, पढ़व

जय जोहार…. (corona) देश म बीते 24 घंटा म कोरोना के 24 हजार ले जादा नवा मामला के पहाचन होय हे। उहचे 20191 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 131 संक्रमित मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (corona) के 24492 नवा मरीज मिले हे। एला मिला के देश म कोरोना संक्रमण के मामला ह 1 करोड़ 14 लाख 09 हजार 831 हो गे हे। जेमा ले 2 लाख 23 हजार 432 एक्टिव मामला हे।

उहचे 1 करोड़ 10 लाख 27 हजार 543 मरीज मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 58 हजार 856 लोगन मन के मौत हो गे हे।