Corona: देश म बीते 24 घंटा म बाढ़ गे कोरोना के 25154 नवा मरीज, पढ़व

जय जोहार…. (Corona) देश म पिछिले 24 घंटा म कोरोना के 25 हजार ले जादा नवा मरीज मिले हे। उहचे 16519 मरीज मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 159 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 25154 नवा मामला दर्ज करे गे हे। एला मिला के देश म कोरोना संक्रमण के मामला ह 1 करोड़ 13 लाख ले जादा हो गे हे। जेमा ले 2 लाख 7 हजार एक्टिव मामला हे।

उहचे 1 करोड़ 9 लाख ले जादा संक्रमित मन ह कोरोना ल मात दे दे हे, (Corona) जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 58 हजार ले जादा मरीज मन के जान चले गे हे।