corona : देस म 24 घंटा म मिले हे कोरोना के 26 हजार ले जादा नवा मरीज

जय जोहार…. (corona) देस म पिछले 24 घंटा म कोरोना के 26 हजार ले जादा नवा मरीज के पहिचान होय हे । उहें 29621 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे। जबकि उपचार के दउरान 276 मरीज के जान चले गेहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 26 हजार 041 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 36 लाख 78 हजार 786 हो गे हे। जेमा ले 2 लाख 99 हजार 620 एक्टिव मामला हे।

उहें (corona ) तीन करोड़ 29 लाख 31 हजार 972 मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक 4 लाख 47 हजार 194 मरीज के मउत हो गेहे।