corona: देस म 24 घंटा म होय हे कोरोना के 27 हजार ले जादा नवा मरीज के पहिचान

जय जोहार…. (corona) देस म पिछले 24 घंटा म कोरोना के 27 हजार ले जादा नवा मरीज के पहिचान होय हे । जबकि इलाज के दउरान 284 संक्रमित मन ह दम तोड़ देहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 27 हजार 176 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 33 लाख 16 हजार 755 हो गे हे। जेमा ले 3 लाख 51 हजार 087 एक्टिव मामला हे।

उहें तीन करोड़ 24 लाख ले जादा मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक चार लाख 43 हजार 497 संक्रमित के मउत हो गे हे।