corona : देस म 24 घंटा म होय हे कोरोना के 27 हजार ले जादा नवा मामला के पहिचान

जय जोहार…. (corona) देस म पिछले 24 घंटा म कोरोना के 27 हजार ले जादा नवा मरीज के पहिचान होय हे । उहें 37687 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे , जबकि इलाज के दउरान 219 संक्रमित मन ह दम तोड़ देहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 27 हजार 254 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 32 लाख 64 हजार 175 हो गे हे। जेमा ले 3 लाख 74 हजार 269 एक्टिव मामला हे।

उहें तीन करोड़ 24 लाख 47 हजार 032 मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक चार लाख 42 हजार 874 संक्रमित के मउत हो गे हे।