Corona: देश म सरलघा बाढ़त हे कोरोना संक्रमित, 24 घंटा म मिलिस 27 हजार ले जियादा नवा मरीज

जय जोहार…. भारत म कोरोना (corona) संक्रमित मरीज मन के संख्या ह सरलघा बाढ़त जावत हे। देश म बीते 24 घंटा म कोरोना के 27 हजार ले जियादा मरीज मन ह मिले हे। ए दौरान 519 लोगन मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के अनुसार भारत म पिछले 24 घंटा म कोरोना (corona) के सबले जियादा 27114 नवा मामले सामने आय हे।
एला मिला के अब कोरोना संक्रमण के कुल मामले ह 8 लाख 20 हजार 916 पहुंच गे हे। जेमा ले सक्रिय मामले ह 2 लाख 83 हजार 407 हो गे हे।
वहीं 5 लाख 15 हाजर 386 लोगन मन ह कोरोना (corona) ल मात दे दे हे। एखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 22123 लोगन मन के जान चले गे हे।