corona : देस म बीते 24 घंटा म सामने आय हे कोरोना के 29 हजार ले जादा नवा मामला, पढ़व

जय जोहार…. (corona) देस म पिछले 24 घंटा म कोरोना के 29 हजार ले जादा नवा मरीज के पहिचान होय हे । उहें 28046 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे। जबकि उपचार के दउरान 290 मरीज के जान चले गेहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 29 हजार 616 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 36 लाख ले जादा हो गे हे। जेमा ले 3 लाख 1 हजार एक्टिव मामला हे।

उहें (corona ) तीन करोड़ 28 लाख मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक 4 लाख 46 हजार 658 मरीज के मउत हो गेहे।