Corona: देश म 24 घंटा म बाढ़ गे कोरोना के 3.46 लाख ले जादा नवा मरीज, पढ़व

जय जोहार…. देश म कोरोना संक्रमित मन के संख्या ह सरलघा बाढ़त जावत हे। देश म बीते 24 घंटा म कोरोना (Corona) 3.46 लाख ले जादा नवा मामला के पहचान होय हे। जबकि उपचार के दौरान 2624 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 3 लाख 46 हजार 786 नवा मरीज मिले हे। एला मिला के कोरोना संक्रमित मन के संख्या ह 1 करोड़ 66 लाख 10 हजार 481 हो गे हे। जेमा ले 25 लाख 52 हजार 940 एक्टिव मामला हे।

उहचे 1 करोड़ 38 लाख 67 हजार 997 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 89 हजार 544 संक्रमित मन के मौत हो गे हे।