Corona: देश म 24 घंटा म सामने आय हे कोरोना के 3.62 लाख ले जादा नवा मरीज, पढ़व

जय जोहार…. देश म बीते 24 घंटा म कोरोना (Corona) के 3.62 लाख ले जादा नवा मरीज के पहचान होय हे। उहचे 3 लाख 52 हजार 181 मरीज ल बने होय के बाद अस्पताल ले छुट्‌टी दे दे गे हे। जबकि उपचार के दौरान 4120 मरीज के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछले 24 घंटा म कोरोना (Corona) के 3 लाख 62 हजार 727 नवा मरीज मिले हे। एला मिला के देश म कोरोना संक्रमित मन के संख्या ह 2 करोड़ 37 लाख 3 हजार 665 हो गे हे। जेमा ले 37 लाख 10 हजार 525 एक्टिव मामला हे।

उहचे 1 करोड़ 97 लाख 34 हजार 823 मरीज ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 58 हजार 317 संक्रमित के जान चले गे हे।