Corona: देश म पिछिले 24 घंटा म मिले हे 30 हजार ले जादा नवा मरीज, पढ़ो पूरा खबर

जय जोहार…. (corona) देश म पिछिले 24 घंटा म कोरोना के 30 हजार ले जादा नवा मरीज के पहचान होय हे। उहचे 33494 मरीज मन ल बने होय के बाद अस्पताल ले डिस्चार्ज कर दे दे गे हे। जबकि इलाज के दौरान 442 लोगन मन के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश में बीते 24 घंटा म कोरोना (corona) के 30005 नवा मरीज पाय गे हे। एला मिला के कोरोना  संक्रमण के मामला ह बाढ़ के 98 लाख 26 हजार 775 हो गे हे।

उहचे 93 लाख 24 हजार 328 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 42 हजार 628 लोगन मन के मौत हो गे हे।