corona : देस म बीते 24 घंटा म मिले हे कोरोना के 30 हजार ले जादा नवा मरीज, 431 संक्रमित के होगे मउत

जय जोहार…. (corona) देस म पिछले 24 घंटा म कोरोना के 30 हजार ले जादा नवा मरीज के पहिचान होय हे । उहें 38303 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे , जबकि इलाज के दउरान 431 संक्रमित मन ह दम तोड़ देहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 30 हजार 570 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 33 लाख 47 हजार 325 हो गे हे। जेमा ले 3 लाख 42 हजार 923 एक्टिव मामला हे।

उहें तीन करोड़ 25 लाख 60 हजार 474 मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक चार लाख 43 हजार 928 संक्रमित के मउत हो गे हे।