Corona: देश म बीते 24 घंटा म मिले हे 31 हजार ले जादा नवा मरीज, पढ़ो पूरा खबर

जय जोहार…. देश म पिछिले 24 घंटा म कोरोना (Corona) के 31 हजार ले जादा नवा मामला ह सामने आय हे। उहचे इलाज के दौरान 412 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 31521 नवा मरीज मिले हे। एला मिला के देश म कोरोना संक्रमण के मामला ह 97 लाख 64 हजार 371 हो गे हे।

जेमा ले 3 लाख 72 हजार 293 एक्टिव मामला हे। उहचे 92 लाख 53 हजार 306 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 41 हजार 772 लोगन मन के मौत हो गे हे।