Corona: देश म बीते 24 घंटा म सामने आय हे 31 हजार ले जादा नवा मरीज, पढो पूरा खबर

जय जोहार…. (Corona) देश म बीते 24 घंटा म कोरोना के 31 हजार ले जादा नवा मरीज के पहचान होय हे। जबकि इलाज के दौरान 482 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मु्ताबकि देश म बीते 24 घंटा म कोरोना (Corona) के 31118 नवा मरीज मिले हे। एला मिला के देश म कोरोना संक्रमण के मामला ह बाढ़ के 94 लाख 62 हजार 810 हो गे हे। जेमा ले 4 लाख 35 हजार 603 एक्टिव मामला हे।

उहचे 88 लाख 89 हजार 585 लोगन मन ह कोरोना (Corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 37 हजार 621 लोगन मन के मौत हो गे हे।