corona : देस म 24 घंटा म सामने आय हे कोरोना के 34 हजार ले जादा नवा मामला

जय जोहार…. (corona) देस म पिछले 24 घंटा म कोरोना के 34 हजार ले जादा नवा मरीज के पहिचान होय हे । उहें 38270 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 34 हजार 403 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 33 लाख ले जादा हो गे हे।

जेमा ले 3 लाख 39 हजार 056 एक्टिव मामला हे। उहें (corona ) तीन करोड़ 25 लाख 60 हजार 474 मरीज ल ठीक होय के बाद अस्पताल ले डिस्चार्ज कर दे गे है।