corona: देश म सरलघा बाढ़त जावत हे कोरोना संक्रमित, 24 घंटा म सामने आय हे 37 हजार ले जादा नवा मामला

जय जोहार…. देश म कोरोना (corona) संक्रमित मरीज मन के संख्या ह सरलघा बाढ़त जावत हे। देश म बीते 24 घंटा म कोरोना के 37 हजार ले जादा नवा मामला ह सामने आय हे।

ए दौरान 587 लोगन मन के मौत हो गे हे। उहचे 24491 मरीज ह कोरोना (corona) ले जंग जीत गे हे, जेखर बाद ओ मन ल अलग-अलग कोविड अस्पताल ले डिस्चार्ज कर दे गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म अब कोरोना संक्रमित मरीज मन के कुल संख्या ह 11 लाख 55 हजार 191 पहुंच गे हे। जेमा ले सक्रिय मामला ह 4 लाख 2 हजार 529 हे।

ऊहचे सात लाख 24 हजार 578 लोगन मन ह कोरोना (corona) ल मात दे दे हे अउ अपन घर लहुट चुके हे। ए वायरस ले अब तक देश म 28084 लोगन मन के जान चले गे हे।