Corona: देश म बीते 24 घंटा म बाढ़ गे कोरोना के 4.1 लाख ले जादा नवा मरीज, पढ़व
जय जोहार…. देश म कोरोना (Corona) संक्रमण के मामला ह कम होय के नाव नई लेवत हे। देश म बीते 24 घंटा म कोरोना के 4.1 लाख ले जादा नवा मामला सामने आय हे। उहचे 3 लाख 19 हजार 468 मरीज मन ल बने होय के बाद अस्पताल ले छुट्टी दे दे गे हे। जबकि उपचार के दौरान 4187 मरीज मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म कोरोना (Corona) के 4 लाख 1 हजार 228 नवा मरीज सामने आय हे। एला मिला के कोरोना संक्रमितों की संख्या ह 2 करोड़ 19 लाख ले जादा हो गे हे। जेमा ले 37 लाख 11 हजार एक्टिव मामला हे।
उहचे 1 करोड़ 79 लाख ले जादा मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 38 हजार 197 संक्रमित मन के जान चले गे हे।
