जय जोहार…. देश म कोरोना (Corona) संक्रमण के मामला ह सरलघा बाढ़त जावत हे। देश म पिछिले 24 घंटा म कोरोना के 4.14 लाख ले जादा नवा मामला सामने आय हे। उहचे उपचार के दौरान 3915 मरीज मन के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 4 लाख 14 हजार 188 नवा मामाल मिले हे। एला मिला के देश म कोरोना संक्रमित मन के संख्या ह 2 करोड़ 14 लाख 91 हजार 591 हो गे हे। जेमा ले 36 लाख 45 हजार 164 एक्टिव मामला हे।
उहचे 1 करोड़ 76 लाख 12 हजार 351 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 34 हजार 083 संक्रमित मन के मौत हो गे हे।
