Corona: देश म पिछिले 24 घंटा म होय हे 40 हजार ले जादा नवा मरीज के पहचान, पढ़व

जय जोहार…. (Corona) देश म पिछिले 24 घंटा म कोरोना के 40 हजार ले जादा नवा मामला के पहचान होय हे। उहचे 23623 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 188 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 40906 नवा मरीज मिले हे। एला मिला के ए संक्रमण के मामला ह बाढ़ के 1 करोड़ 15 लाख 55 हजार 284 हो गे हे। जेमा ले 2 लाख 88 हजार 394 एक्टिव मामला हे।

उहचे 1 करोड़ 11 लाख 07 हजार 332 लोगन मन ल कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 59 हजार 588 संक्रमित मन के मौत हो गे हे।