Corona: देश म बीते 24 घंटा म बाढ़ गे 40 हजार ले जादा नवा मामला, पढ़व

जय जोहार…. (Corona) देश म पिछिले 24 घंटा म कोरोना के 40 हजार ले जादा नवा मरीज के पहचान होय हे। उहचे 29785 मरीज ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 199 मरीज के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 40715 नवा मामला मिले हे, एला मिला के कुल संक्रमित मन के संख्या ह 1 करोड़ 16 लाख 86 हजार 796 हो गे हे। जेमा ले 3 लाख 45 हजार 377 एक्टिव मामला हे।

उहचे 1 करोड़ 11 लाख 81 हजार 253 संक्रमित मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 60 हजार 166 मरीज के मौत हो गे हे।