corona : देस म बीते 24 घंटा म मिले हे 41 हजार के जादा नवा मरीज, 542 संक्रमित के होगे मउत

जय जोहार…. (corona) देस म बीते 24 घंटा म कोरोना के 41 हजार ले जादा नवा मामला के पहिचान होय हे । उहें 39304 मरीज मन ह कोरोना ल मात दे दे है, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 542 संक्रमित मन के मउत हो गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 41 हजार 786 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 16 लाख 54 हजार 584 हो गे हे। जेमा ले 4 लाख 04 हजार 804 एक्टिव मामला हे।

उहें 3 करोड़ 08 लाख 12 हजार 873 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4 लाख 24 हजार 384 मरीज के मउत हो गे हे।