corona : देस म 24 घंटा म मिले हे 42 हजार ले जादा नवा मरीज, 533 संक्रमित मन के हो गे मउत, पढ़व

जय जोहार…. (corona) देस म बीते 24 घंटा म कोरोना के 42 हजार ले जादा नवा मामला के पहिचान होय हे । उहें 41726 मरीज मन ह कोरोना ल मात दे दे है, जेखर बाद ओमन ल अस्पताल ले छुट्टी दे दे गे हे , जबकि इलाज के दउरान 533 संक्रमित मन के मउत हो गे हे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 42 हजार 982 नवा मरीज मिले हे, एला मिला के देस म कोरोना संक्रमित मन के संख्या ह 3 करोड़ 18 लाख 12 हजार ले जादा हो गे हे। जेमा ले 4 लाख 11 हजार 076 एक्टिव मामला हे।

उहें 3 करोड़ 09 लाख 74 हजार 748 मरीज ह कोरोना (corona) ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे है। ए वायरस ले देस म अब तक 4 लाख 26 हजार 290 मरीज के मउत हो गे हे।