corona : देस म बीते 24 घंटा म मिले हे कोरोना के 43 हजार ले जादा नवा मामला, 338 संक्रमित के होगे मउत

जय जोहार…. (corona) देस म पिछले 24 घंटा म कोरोना के 43 हजार ले जादा नवा मरीज के पहिचान होय हे । उहें 40611 मरीज मन ह कोरोना ले जंग जीत गेहे, जेखर बाद ओमन ल अस्पताल ले डिस्चार्ज कर दे गे हे , जबकि इलाज के दउरान 338 संक्रमित मन ह दम तोड़ देहे।

केंद्रीय स्वास्थ्य मंत्रालय ले जारी आकड़ा के अनुसार देस म पिछले 24 घंटा म कोरोना (corona) के 43 हजार 263 नवा मरीज मिले हे, एला मिला के देस म कोरोना संक्रमित मन के संख्या ह तीन करोड़ 31 लाख 39 हजार 981 हो गे हे। जेमा ले 3 लाख 93 हजार 614 एक्टिव मामला हे।

उहें तीन करोड़ 22 लाख ले जादा मरीज ल ठीक होय के बाद अस्पताल ले डिस्चार्ज कर दे गे है। ए वायरस ले देस म अब तक चार लाख 41 हजार 749 संक्रमित के मउत हो गे हे।